Kreu i Shtëpisë së Bardhë Donald Trump ka bërë gafën e radhës në përpjekje për të kritikuar NASA-n, duke thënë se Hëna është pjesë e Marsit.
“Me të gjitha paratë që shpenzojmë, NASA nuk duhet të flasë për të shkuar në Hënë. E bëmë 50 vjet më parë. Duhet të përqendrohet në gjëra shumë më të mëdha që jemi duke bërë, përfshirë Marsin, ku bën pjesë dhe Hëna, Mbrojtjen dhe Shkencën”.
Ka qenë ky mesazhi në Twitter i Presidentit amerikan Trump, i cili ka befasuar të gjithë dhe ata që kanë njohuritë më bazike të astronomisë. Përveç kësaj në 13 Maj Trump deklaronte se Shtetet e Bashkuara të Amerikës do të riktheheshin në Hënë.
Kritikët e presidentit mendojnë se ai që e ka detyruar të ndryshojë qëndrim kanë qenë Fox News, një rrjet televiziv të cilin Trump e admiron shumë. Pak para deklaratës së Trump, drejtuesi i Fox News, Neil Kavuto u shpreh skeptik për planet e rikthimit në Hënë duke u shprehur: “Po përqendrohemi sërish tek udhëtimi në Hënë…por a nuk e bëmë një gjë të tillë shumë kohë më parë?”
Fjalët e presidentit amerikan kanë bërë që të shpërthejë ‘rrjeti i pamëshirshëm’, i cili nuk i fal gabimet e tilla.
Me siguri Trump donte t’i referohej faktit se të shkosh në Hënë është pjesë e projektit më të madh, që është vajtja në Mars.
“I ka deklaruar vendit dhe botës se Hëna është pjesë e Marsit dhe nëse e thotë presidenti është e vërtetë “, është një nga twittimet e përdoruesve.
“Njeriu që akuzon të gjithë botën se thonë lajme të rreme, na thotë se Hëna është pjesë e Marsit “, shkruan një tjetër./real-news.tv/
