fbpx

Harry e pranoi hapur se mes tij dhe William-it ka mosmarrëveshje: Është e pashmangshme

640-0-5dad9ebf1f347.jpg

Prej disa kohësh mediet botërore po shkruajnë për një “konflikt” në familjen mbretërore, kryesisht mes dy vëllezërve, Harry-t dhe William-it.

Si gjithmonë, familja mbretërore preferon të qëndrojë në heshtje dhe të mos reagojë ndaj këtyre lajmeve, por së fundmi, Harry ka folur rreth marrëdhënies së tij me William-in dhe duket se lajmet nuk janë krejt të pabaza.

Harry e ka pranuar hapur se marrëdhënia me të vëllanë ka ndryshuar dhe nuk është më si më parë, por siç thotë ai, “gjëra të tilla ndodhin kur je pjesë e familjes mbretërore, pasi ka presione”.

Kur ke këtë rol, je pjesë e kësaj familjeje, ke shumë presion dhe është e pashmangshme… gjërat ndodhin. Por, ne jemi vëllezër, do të jemi gjithmonë vëllezër. Po ndjekim rrugë të ndryshme për momentin, por unë do të jem gjithmonë i pranishëm për të dhe ai do të jetë gjithmonë për mua”, -ka thënë princi në dokumentarin “Harry & Meghan: An African Journey”.

Megjithatë, Harry ka pranuar se shumica e lajmeve që qarkullojnë në media janë të sajuara.

Nuk takohemi aq shpesh sa takoheshim dikur, sepse jemi shumë të zënë, por unë e dua shumë [William-in]. Shumica e lajmeve krijohen nga hiçi, por e keni parasysh, jemi vëllezër dhe kemi ditët tona të mira dhe ditët tona të këqija”, -është shprehur Harry.

Media të ndryshme kanë raportuar se vëllezërit kanë mosmarrëveshjes mes tyre dhe kjo për shkak të bashkëshorteve të tyre Meghan, Dukesha e Sussex dhe Kate, Dukesha e Kembrixhit.

Advertisement
REKLAMO NE REALNEWS +355 69 33 33 303