Demokratët kanë ripërsëritur kërkesën e tyre që ish-këshilltari i Sigurisë Kombëtare të Presidentit amerikan Donald Trump të thirret për të dëshmuar në gjyqin e zgjedhjes së presidentit.
Ish-këshilltari për Siguri Kombëtare në Shtëpinë e Bardhë, John Bolton ka pretenduar në librin e tij të ri se presidenti i Shteteve të Bashkuara, Donald Trump ka synuar të pezullojë ndihmën ushtarake për Ukrainën, nëse ajo nuk heton rivalët e tij politikë, ka raportuar e përditshmja, The New York Times.
Në raportin e 26 janarit, thuhet se Bolton ka shkruar në libër se Trump i ka thënë atij që dëshiron të bllokojë qindra miliona dollarë të ndihmave për Ukrainën, nëse kjo e fundit nuk i ndihmon në hetimet rreth ish nën-presidentit amerikan, Joe Biden dhe djalit të tij.
Ekipet ligjore të Trump kanë insistuar vazhdimisht se presidenti kurrë nuk e ka lidhur ndihmën për Ukrainën me hetimet.
Pas publikimit të raportit, demokratët kanë rikthyer thirrjet për dëshmi të Bolton në gjyqin kundër Trump, që po zhvillohet në Senat.