Presidenti hungarez, Janos Ader, nënshkroi ligjin e punës, subjekt i protestave masive kundër qeverisë, i cili u pagëzua si “ligji i skllavërisë” nga sindikatat dhe punëtorët.
Masa rrit numrin e orëve të punës jashtë orarit nga 250 në 400 që punëdhënësit t’iu kërkojnë punonjësve çdo vit, ndërsa t’i paguajnë ato pas 3 vjetësh.
Presidenti, një aleat politik i kryeministrit nacionalist Viktor Orban, deklaroi se vendimi “nuk pakëson të drejtat e punëtorëve”.
Një protestë e re, e organizuar nga sindikatat dhe punëtorët, është planifikuar sot në Budapest.
Nga ana tjetër, qeveria thotë se, reforma e punës do të jetë në të mirë të punonjësve, por edhe kompanive që duan të plotësojnë vendet vakante të punës./real-news.tv/