23.5 C
Tirana
E diel, 21 Korrik, 2024

TË FUNDIT

Ja si festohet ardhja e pranverës në Indi

spot_img

Në Indi, gratë rrahin burrat me shkop për të festuar Holi-in, pjesë e festivalit e famshëm të ngjyrave që shënon fundin e dimrit.Mijëra vetë vërshojnë në qytezën Barsana në Utar Pradesh për ritualin e veçantë, i cili tërheq çdo vit si pelegrinë vendas, ashtu edhe turistë të huaj.

Meshkujt nga fshati fqinje Nandgaon këndojnë këngë provokuese dhe përpiqen t’i lyejnë me bojë gratë e Barsanas ndërsa ato i përgjigjen duke i goditur me shkopinj të mëdhenj; burrat i presin goditjet të ulur në tokë me një mburojë mbi kokë.

E gjithë kjo behet me shaka dhe është pjesë e argëtimit. Festivali shënon fillimin e pranverës, dhe është një kohë që i kushtohet faljes, ripërtëritjes së miqësive e triumfit të së mirës mbi të keqen.

Lathmar Holi zakonisht festohet disa ditë përpara kremtimeve të mëdha të festivalit kryesor të Holit; ai dhe këtë radhë ishte po aq empcionues e shumëngjyrësh sa herë të tjera. Gjatë pauzave të festimeve, pjesëmarrësit konsumojnë një pije të ftohte të njohur si ‘thandai’, e përpiqen të gëzojnë të gjithë së bashku, si mënyrë për t’u afruar me njëri-tjetrin.

Gratë e Barsanes përgatiten që një muaj përpara ritualit, me shpresën se në fund, ai do të dëshmohet një shfaqje dashurie, argëtimi dhe barazie./real-news.tv/

spot_img

Latest Posts

spot_img

Më të lexuarat