Juventus dhe Mandzukic kanë vendosur

Destinacioni Premier League duket se është venitur për Mario Mandzukic, por një fije shprese vjen nga Gjermania. Kroati është një tjetër emër që duket se uk do të jetë pjesë e listës së trajnerit të bardhezi Maurizio Sarrit. Furnizimi me sulmues të rinj i ka mbyllur shanset kroatit të jetë pjesë e skuadrës ndaj ai kërkon një aventurë të re.

Meqenëse hipoteza e transferimit në Premier League është hedhur poshtë, Bayern Munich vjen me një ofertë konkrete. Sipas “Tuttosport” Bayern do të kompletojë skuadrën dhe të kthehet në majat e futbollit europian.

Klubi do t’i garantonte atij pagën aktuale 5.5 milionë euro por jo në pozicion titullar pasi Lewandovski mbetet i pazëvendësueshëm. Kovac mendon se me një ofertë të mirë mund të bindë bardhezinjtë për transferimin e kroatit.