fbpx

Kanabis edhe në Kosovë / Policia shkatërron mijëra bimë narkotike në Koshare

policiakosoves.jpg

Policia e Kosovës ka njoftuar të martën se ka shkatërruar 4050 bimë narkotike në rajonin e Koshares.

Zyra për Informim e këtij institucioni ka thënë se zyrtarët policorë kanë patrulluar këtë rajon pas informacioneve të pranuara se në Koshare ka bimë që dyshohen të jenë narkotike.

“Policia ka patrulluar atë zonë dhe ka arritur të gjejë pesë plantacione të mbjella me bimë që dyshohet të jenë narkotike.
Policia kufitare ka njoftuar Drejtorinë për Hetimin e Trafikimit me Narkotikë, të cilët po ashtu kanë dalë në vendngjarje.

Në atë rajon janë gjetur 4050 (katër mijë e pesëdhjetë) bimë, gjatësia e të cilave ishte nga një metër deri në tri metra e gjysmë. Policia ka shkulur dhe ka shkatërruar (djegur) bimët e gjetura në atë lokacion”, është thënë në njoftim.

Lidhur me këtë rast është njoftuar Prokuroria për Krime të Rënda në Gjakovë.
Advertisement
REKLAMO NE REALNEWS +355 69 33 33 303