Një 37-vjeçar u arrestua nga policia e Tiranës, në kuadër të një operacioni të koduar “500” nga Seksioni për Krimin Ekonomik dhe Financiar në bashkëpunim me Prokurorinë.
G. Xh., 37 vjeç, banues në Kavajë u ndalua në rrugën “Sadik Petrela” teksa udhëtonte me një automjet.
Gjatë kontrollit iu gjetën 20.500 euro të falsifikuara të cilat u sekuestruan në cilësinë e provës materiale bashkë me automjetin dhe dy aparate celular.
Materialet procedurale i kaluan Prokurorisë Tiranë për veprat penale “Falsifikim i monedhave” dhe “Riprodhimi pa të drejtë i veprës së tjetrit”.
Advertisement
