Kapet në Durrës 42-vjeçari nga Kosova, policia jep detajet dhe zbulon ç’kishte bërë

arrestohet.jpg

Policia e Durrësit ka arrestuar një 42-vjeçar Kosovar pasi Gjykata Themelore Prizeren kishte lëshuar urdhër-arresti në ngarkim të shtetasit Bledi Cërmanji, për veprën penale “Vjedhje”, parashikuar nga Kodi Penal i Kosovës

Durrës

Vijojnë operacionet nga strukturat e DVP Durrës për kapjen e personave në kërkim ndërkombëtar.

Vihet në pranga me qëllim ekstradimi drejt Kosovës, një 42 vjeçar.

Në vijim të punës për kapjen e personave në kërkim ndërkombëtar si dhe planit të masave gjatë sezonit turistik, për parandalimin e veprave penale në fushën e vjedhjeve, shërbimet e Komisariatit të Policisë Durrës, si rezultat i shkëmbimit të vazhdueshëm të informacioneve me ZKQ Interpol Tirana, kanë bërë të mundur lokalizimin dhe arrestimin provizor të shtetasit kosovar Bledi Cërmanji, 42 vjeç, banues në Gjakovë, Kosovë.

Arrestimi provizor i këtij shtetasi u bë pasi Gjykata Themelore Prizeren ka lëshuar urdhër-arresti në ngarkim të shtetasit Bledi Cërmanji, për veprën penale “Vjedhje”, parashikuar nga Kodi Penal i Kosovës.

Ky shtetas është i dyshuar për disa vepra penale si vjedhje, vjedhje të rënda, grabitje dhe posedim të substancave narkotike.

Interpol Tirana, në bashkëpunim me ILECU Kosovë, vijon procedurat për ekstradimin e tij drejt Kosovës.

 

REKLAMO NE REALNEWS +355 69 33 33 303