Kryeministri Edi Rama ka publikuar një skemë të re për 13 mijë persona, që janë aktualisht pa punë pasi e humbën atë për shkak të situatës nga Covid-19.
Për 13 mijë të tjerët që mbeten ende të papunë, skema e re ofron avantazhe direkte për punonjësit dhe kompanitë që do t’i punësojnë. Sipas këtij programi, shteti do të ndërhyjë duke paguar në nivelin e pagës minimale rrogën e punonjësit për 4-8 muaj në vazhdim.
Pjesë e këtij skeme është edhe një mekanizëm i ri, i cili zgjat 12 muaj, përgjatë të cilëve shteti mbulon 100% të vlerës së kontributeve, për ata persona që janë të punësuar në sektorin informal dhe vendosin të deklarohen.
Aplikimet për këto programe, siç bëri me dije Rama, do bëhen në e-Albania.