Një kërcënim me jetë ka ardhur së fundmi në drejtim të Prokurorit të Përmetit, Asllan Bajrami, të cilit në dritaren e zyrës i ishte vendosur një fishek. Lidhur me këtë ngjarje, ka reaguar edhe Ilir Meta.
Postimi i Metës:
Kërcënimi për shkak dhe në krye të detyrës i Prokurorit të Përmetit, z.Asllani Bajrami, është një ngjarje tepër e rëndë dhe e dënueshme.
Nevojitet një hetim i shpejtë për vendosjen para ligjit të kujtdo, që guxon të kërcënojë përfaqësuesit e shtetit, për t’i penguar ata të ushtrojnë detyrën të pandikuar.
Revanshi i krimit kërkon masa të menjëhershme efektive, reaguese dhe parandaluese, nga të gjitha institucionet e ngarkuara me ligj për mbrojtjen e rendit dhe të sigurisë publike.