Aktivisti më i shquar i studentëve të Hong Kongut, Joshua Wong, menjëherë pasi u lirua nga burgu ka bërë thirrje për dorëheqjen e lideres Carrie Lam.
Wong u bë fytyra e protestave pro-demokratike në 2014, të cilat bënë thirrje që qyteti të përzgjidhte udhëheqësit e vet.
Njerëzit në Hong Kong vijojnë me protestat kundër një projektligji kontradiktor që lejon ekstradimin në territorin e Kinës.
Organizatorët thonë se më shumë se dy milionë njerëz u mblodhën në protesta për ta kundërshtuar projektligjin.
Edhe pse projektligji u pezullua nga udhëheqësja e Hong Kongut të shtunën, organizatorët thonë se protesta do të vazhdojë derisa ligji të hiqet krejtësisht.
Kritikët kanë thënë se ky legjislacion do t’i ekspozonte qytetarët e Hong Kong-ut ndaj sistemit të brishtë të drejtësisë në Kinë dhe do të çonte në përkeqësimin e mëtejshëm të pavarësisë gjyqësore të qytetit./real-news.tv/