Politikanët afganë dhe aktivistët e të drejtave të grave po kërkojnë drejtësi për vrasjen e gazetares Mina Mangal, që ka punuar si prezantuese televizive para se të përfshihej në politikë.
Shefi ekzekutiv, Abdullah Abdullah është zotuar se vrasësit e saj do të kapen.
Policia është duke kryer hetime, mirëpo nuk është e qartë se kush qëndron mbrapa vrasjes së saj.
Në një deklaratë të publikuar nga ministria e brendshme thuhet se Mangal ka qenë duke shkuar në Komisionin parlamentar për Kulturë, kur është vrarë në mëngjesin e së shtunës.
Gjykata Supreme e Afganistanit dhe grupet e shoqërisë civile, kanë bërë thirrje për hetim serioz të vrasjes së saj.
Së fundmi, Mangal kishte postuar në rrjetin social Facebook se ishte kërcënuar dhe se kishte frikë për jetën e saj./real-news.tv/