fbpx

Këshillat se si të hekurosni pa lodhje

hekurosja.jpg

Gjithnjë e më shumë amvisat blejnë rroba nga pëlhura të cilat nuk është e domosdoshme të hekurosen, mirëpo ndonjëherë kjo punë e mundimshme dhe monotone duhet bërë patjetër. Po ju japim disa këshilla se si hekurosja të mos jetë e lodhshme.

Zgjidhni pëlhurën e cila hekuroset lehtë, ndërkaq më lehtë do të hekurosni nëse rrobat i hekurosni para se të thahen tërësisht, d.m.th. duhet të jenë pak të njoma.

Hekurosja mund të jetë e lehtë, madje edhe relaksuese, nëse rrobat i lajmë dhe i thajmë në mënyrë të drejtë. Kini kujdes që të mos thahen shumë, posaçërisht nëse nuk posedoni hekur me avull dhe me kujdes palosni pas marrjes nga vendi i tharjes.

Disa orë para se të filloni hekurosjen spërkatni me ujë të vakët, mbështillni në formë rrethi dhe vendosni në qese plastike, lini të qëndrojnë disa orë.

Veshjet palosini me rend. Të parat ato që duhet të hekurosen në temperaturë më të ulët dhe në fund rrobat të cilat kërkojnë që hekuri të jetë më i nxehtë.

Rrobat e bardha nga pambuku, si edhe ato me ngjyra vezulluese hekurosini nga pjesa e jashtme, ndërkaq ato me ngjyra të errëta nga pjesa e brendshme, në mënyrë që të mos u dëmtohet ngjyra.

Nga pjesa e brendshme hekurosen rrobat e mëndafshta, ato me zbukurime në formë dantellash, rrobat nga stofi i kadifenjtë.

Rrobat nga stofi hekurosni duke i vendosur sipër një leckë të njomur, në mënyrë që të mos “vezullojnë”.

Këmishët dhe bluzat hekurosen duke filluar nga jaka, pastaj kalohet tek krahët – në fillim manshetat. Pas hekurosjes së krahëve fillohet pjesa e parë e këmishës, pastaj pjesa e shpinës, ndërkaq pjesa nga janë pullat hekuroset nga ana e brendshme.

Kur i hekurosni vijën e pantallonave, filloni nga pjesa e sipërme, pastaj bashkoni këmbët e pantallonave sipas gjatësisë. Largojeni këmbën e sipërme dhe hekuroseni të poshtmen, pastaj sipër saj lëshojeni pjesën e sipërme të këmbës së pantallonave dhe hekuroseni edhe atë.

Pantallonat kthejini edhe nga ana tjetër dhe përsëriteni të njëjtin veprim.

Advertisement
REKLAMO NE REALNEWS +355 69 33 33 303

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *