Pas Armenisë, një tjetër kombëtare evropiane në gjurmët e Gianni De Biasit.
Sipas portalit “Tuttomercatoweb” italiani është vënë në orbitën e Azerbajxhanit.
Duke iu referuar këtyre burimeve, mes drejtuesve të federatës azere dhe ish-trajnerit të kombëtares shqiptare do të jetë një javë e rëndësishme.
62-vjeçari është i papunë prej nëntorit të vitit 2017, ku u largua nga Alaves për rezultate të dobëta.
Kulmi i karrierës së De Biasit ishte në kohën kur ishte në krye të kombëtares shqiptare, ku i kualifikoi kuqezinjtë në Euro 2016.