Koronavirusi/ Vjen lajmi i mirë për shqiptarët që ndodhen në Hungari

Ministria për Evropën dhe Punët e Jashtme informon të gjithë shtetasit shqiptarë që ndodhen aktualisht në Hungari, me një vizë të vlefshme, apo që e kanë të pamundur të largohen nga zona Schengen brenda periudhës 90 ditore, për shkak të rrethanave që nuk varen nga ata, mund të aplikojnë për zgjatjen e vizës së tipit C, pranë autoriteteve hungareze.

Periudha e qëndrimit zgjatet sipas klauzolës vis maior të Kodit të Vizave (Kodi i Komunitetit për Vizat).

Qytetarët shqiptarë, të cilëve tashmë u ka skaduar viza dhe që e kanë pasur të pamundur të udhëtojnë jashtë vendit për shkak të kufizimeve, mund të paraqesin kërkesën e tyre për zgjatjen e vizës pranë Drejtorisë së Përgjithshme të Policisë për të Huajt në Hungari.

Ju mund të kontaktoni me autoritetet hungareze, si dhe të informoheni në lidhje me situatën e koronavirusit dhe si ndikon kjo në procedurat e zgjatjes së qëndrimit, nëpërmjet linqeve të mëposhtme:

http://oif.gov.hu/index.php?option=com_k2&view=item&layout=item&id=32&Itemid=677&lang=en&fbclid=IwAR2-1s0NFLShSlCDTxcqlF-5BY8y8ehRuuLdnemlkvOwIuMdSUADj28wVfw

http://oif.gov.hu/index.php?lang=en&fbclid=IwAR0SiwBChNydfAekW7J_Sia0WMCJyhgz6MusWpRKwtNm0L4ZZFPWptXwSeM

http://oif.gov.hu/index.php?option=com_k2&view=item&layout=item&id=1550&Itemid=2017&lang=en&fbclid=IwAR021nGCVPdqjq1lLcl6eexfIpEdNMfh0iY10EWkFBKhGvGLJPnNOfUZ1Ho