KQZ merr vendimin për zgjedhjet në Kosovë: Rinumërim të votave…

Komisioni Qendror i Zgjedhjeve në Kosovë ka vendosur për rinumërimin e dhjetë vendvotimeve në tërësi.

Burim Ahmetaj nga Qendra e Numërimit dhe Rezultateve ka thënë se pas vendosjes në karantinë të këtyre kutive dhe shqyrtimit të tyre ka kërkuar që të rinumërohen, duke mos cekur se për cilat vendvotime bëhet fjalë.

“Nuk janë të plotësuara formularët e kandidatëve, e në rastet tjera mungojnë formularët e kandidatëve”, ka thënë Ahmetaj.

Ilir Gashi, përfaqësues i PDK-së në KQZ, ka thënë se është një kategori tjetër ku votat janë përmirësuar. Ai ka pyetur se si janë përmirësuar ato dhe me çfarë të drejte. Sipas tij, edhe për këto vendvotime duhet të vijë rekomandimi për rinumërim.