20.5 C
Tirana
E mërkurë, 29 Maj, 2024

TË FUNDIT

Kritika të ashpra ndaj presidentit turk Erdogan

spot_img

Ish-kryeministri i Turqisë dhe aleati i ngushtë i presidentit Erdogan, Ahmet Davutoglu, ka kritikuar ashpër partinë në pushtet, duke thënë se ndryshimi i politikave të saj dhe aleanca me nacionalistët kanë ndikuar që ata të arrijnë rezultate të dobëta në zgjedhjet lokale të marsit.

Gjatë deklaratës s parë sfiduese ndaj Erdoganit që nga largimi nga pushteti para tre vjetësh, Davutoglu, i cili vetë është anëtar i partisë së presidentit, i kritikoi politikat ekonomike të partisë, kufizimet ndaj medieve dhe dëmtimet e shkaktuara në ndarjen e pushtetit nga institucionet.

Davutoglu është figurë e lartë e partisë dhe shërbeu si kryeministër i Turqisë nga viti 2014 deri në vitin 2016.

Partia e tij i humbi zgjedhjet në Ankara dhe Stamboll, të cilat janë dy qendrat kryesore të Turqisë.

“Rezultati i zgjedhjeve dëshmon që politika e aleancave e ka dëmtuar partinë tonë në aspektin e votave të fituara dhe në aspektin e identitetit”, tha Davutoglu përmes një deklarate.

Partia AKP, e udhëhequr nga presidenti turk, formoi koalicion me Lëvizjen Nacionaliste para zgjedhjeve presidenciale dhe parlamentare në qershor të vitit të kaluar, në të cilat Erdogani e fitoi një mandat tjetër.

Davutoglu bëri thirrje që partia të reformohet nga brenda. “U bëj thirrje udhëheqësve të partisë që t’i vlerësojnë me koka të ftohta të gjitha këto çështje dhe vizionin tonë për të ardhmen”, shtoi ai.

spot_img

Latest Posts

spot_img

Më të lexuarat