“Kryeministri ka dal shumë i revoltuar”. Specialistja e ISHP zbulon rastet e rrezikshme: I kemi marrë në telefon…

ish.jpg

Specialistja e Institutit të Shëndetit Publik ka zbuluar disa raste në emisionin “Abc-ja e Mëngjesit”, kur persona të dyshuar për Covid, testohen dhe presin përgjigjen nga restoranti me persona të tjerë, apo edhe kur të rinjtë asimptomatikë këshillohen të vetëkarantinohen por nuk e zbatojnë këtë gjë.

“Pjesa më e madhe e personave që kemi aktivë, janë asimptomatikë. Ne nuk e dimë akoma a krijon imunitet virusi. Nga të gjithë artikujt që kemi lexuar kemi kuptuar se disa persona bëhen imunë por nuk e dimë sa zgjat kjo. Ne po bashkëjetojmë me virusin, dhe ka persona që nuk ka asimptomatikë por problemi nuk është tek ata por te njerëzit e moshuar që ata kanë në familje.

Problemi qendron se nga ajo që ka ndodhur në Itali dhe Spanjë, mund të ndodhë edhe këtu. Ne përpiqemi që rasti i infeksioneve të jetë i ulur, dhe të mos e transmetojmë virusin tek prindërit tanë. Unë e dëgjova kryeministrin dhe në njëfarë mënyrë ka të drejtë. Një person me shenja klinike që mund jetë me Covid sjell analizën dhe kur ne e marrim në telefon dhe ai është në një restorant me 10-15 persona të tjerë.

Kryeministri ka dalë shumë i revoltuar dhe ka shumë të drejtë. Ka pasur raste kur 18-vjeçarë janë pozitivë dhe ne i kemi thënë që të qëndrojnë në shtëpi, dhe kanë dalë për kafe me shokët dhe shoqet”, tha Daja.

REKLAMO NE REALNEWS +355 69 33 33 303