fbpx

Kultivonte bimë narkotike, kapet 31 vjeçari në Fier

Një person ka rënë në prangat e policisë Fier, ku edhe janë sekuestruar fidanë narkotikë.

Njoftimi i Policisë Fier:

Vijon kontrolli masiv i territorit për parandalimin e kultivimit të bimëve narkotike.

Si rezultat i kontrollit nga strukturat e Policisë dhe informacioneve të mara nga qytetarët është bërë i mundur parandalimi dhe goditja e një tentative për kultivim të bimëve narkotike.

Sekuestrohen fidanë narkotikë, vihet në pranga një shtetas.

Shërbimet e Policisë Fier, në vijim të kontrollit të pandërprerë për parandalimin e kultivimit të bimëve narkotike dhe falë informacioneve të marra në rrugë operative nga qytetarët, kanë bërë të mundur që në fshatin Buzmadh të parandalojnë dhe të godasin një tentativë të kultivimit të bimëve narkotike.

Si rezultat i kontrollit u gjetën dhe sekuestruan rreth 350 fidanë narkotikë dhe si rezultat i veprimeve të shpejta u bë i mundur identifikimi, kapja dhe arrestimi në flagrancë i autorit që po tentonte për t’i kultivuar:

Y., 31 vjeç, banues në Buzmadh, Fier.
Materialet i kaluan Prokurorisë pranë Gjykatës së Shkallës së Parë Fier, për veprën penale “Kultivimi i bimëve narkotike”.