Të tjera detaje janë zbardhur nga ngjarja e rëndë, ku çifti shqiptar Shpëtim dhe Teuta Pasho u gjetën të copëtuar në 4 valixhe. Mirëpo, së fundmi gazeta italiane “La Nazione” ka zbërthyer disa detaje të reja.
Sipas gazetës, ‘dëshmitar’ i kësaj tragjedie mund të jetë edhe një furgon. Në artikull thuhet se policia italiane po kërkon një furgon, me të cilin janë transportuar viktimat nga vendi i krimit deri te vendi ku u gjetën të shpërndarë në copa në katër valixhe.
Çifti u zhduk ditën kur djali i tyre, Taulanti do të dilte nga burgu.
Gazeta shkruan se familjarët kanë dhënë dëshmi kontradiktore, kurse Taulanti është në një burg në Zvicër.
Një gjë është e sigurt: krimi ka ndodhur në një shtëpi, pasi çifti Pasho ishin akoma me pizhame.