Këngëtarja e njohur në mbarë botën, Lady Gaga njihet për karakterin e saj moskokëçarës dhe lirshmërinë që e identifikon në raporin e saj me fansat dhe jo vetëm. 33 vjeçarja ka qenë duke performuar në një koncert në Las Vegas kur ra nga skena në mënyrë epike.
Ajo po mbahej në krahët e një fansi kur të dy rrëshqitën nga skena.
https://www.youtube.com/watch?time_continue=5&v=dGG8eeiatpg
Lady Gaga ftoi një fans të quajtur, Jack t’i bashkëngjitej në skenë dhe u hodh në krahët e tij. Por ai humbi kontrollin dhe ranë në dysheme.
Të gjithë menduan se këngëtarja do nxirrej nga skena me ambulancë. Por ajo u kthye të performonte “Million Reasons” së bashku me Jack në krah.
“Është e mahnitshme,”-tha Gaga. “Ne e duan njëri-tjetrin aq shumë saqë ramë nga kjo skenë e mallkuar. Ne ramë në krahët e njëri-tjetrit. Jemi si Jack dhe Rose nga Titanic. Mendoj se duhet të pi një çaj pas kësaj.”
Fansat u shqetësuan për mirëqenien e Gagas, pasi ajo vuan nga fibromialgjia, një gjendje reumatike si artriti që dëmton nyjet dhe shkakton dhimbje kronike.
Por këngëtarja i qetësoi të gjithë pas rënies.
“Çdo gjë është në rregull,”-tha ajo. “E vetmja gjë që nuk është në rregull është se kemi nevojë për disa shkallë për tu rikthyer në skenë.”
Ylli gjithashtu ngushëlloi Jack, i cili filloi të qante pas incidentit.
/real-news.tv/