Ministrja e Arsimit, Sportit dhe Rinisë, Evis Kushi ka bërë një reagim pas protestës së maturantëve për provimin e matematikës. Ajo tha se kanë vendosur për të ulur kufirin minimal të pikëve për çdo notë.
Ministrja Kushi në përfundim të kësaj analize shprehet se:
“Nisur nga shqetësimet e maturantëve, mësuesve, prindërve, dhe pa dyshim duke konsideruar situatën e një viti jo normal e të vështirë të pandemisë, ku pavarësisht se maturantët në të gjithë vendin kanë qenë çdo ditë në mësim në shkollë, përveç 10 bashkive me risk të lartë ku për 6 javë mësimi u zhvillua online, kemi vendosur të plotësojmë kërkesën e maturantëve për të ulur kufirin minimal të pikëve për çdo notë”.