Lëvizja e re politike e Jozefina Topallit. Flet për herë të parë Berisha, ja si e mësoi dhe si e komenton…

joze.jpg

Ish-kryeministri Sali Berisha ka komentuar krijimin e lëvizjes së re politike nga ish-numri dy i PD, Jozefina Topalli, duke thënë se këtë lëvizje të re e ka marrë vesh nga mediat dhe nuk kishte asnjë dijeni.

I pyetur nëse lëvizja e Topallit e dëmton PD-në, Berisha theksoi se çdokush ka të drejtë të zgjedhë.

Pjesë nga biseda:

Gazetarja: A kishit dijeni për krijimin e lëvizjes së re politike të Jozefina Topallit?

Berisha: Nuk kam patur dijeni e kam marr vesh nga mediat. Çdo njeri ka të drejtë të bëjë zgjidhjen e tij. Jozefina Topalli në dijeninë time ka patur të drejtën e kandidimit i është ofruar, dhe siç kam parë nga mediat ajo ka refuzuar të kandidojë në forumet e PD, ajo ka bërë zgjedhjen e vet duke krijuar një lëvizje.

Gazetarja: A e dëmton kjo PD?

Berisha: Thelbi i filozofisë së njeriut të lirë është zgjedhje. Çdo njeri ka të drejtën e zgjedhjes, pastaj se cilat janë pasojat e zgjedhjes është përgjegjës vetë ai që zgjedh.

 

 

REKLAMO NE REALNEWS +355 69 33 33 303