fbpx

Majlinda Kelmendi tërhiqet nga sporti

091E331F-71A7-42D1-94B4-E70F393E9649.jpeg

Kosova nderoi kampionen e xhudos, Majlinda Kelmendin, me një ceremoni shtetërore të organizuar nga presidentja e Kosovës, Vjosa Osmani.

Fituesja e medaljes së artë të parë të Kosovës në Lojërat Olimpike u tërhoq nga sporti aktiv, ndërkohë që tani do të vazhdojë punën me trajnerin e saj Driton Kuka për të zhvilluar edhe më tej sportin e xhudos në vend.

Kelmendi u shpreh se për gjithë suksesin e saj, falënderimi më i madh i takon Kosovës.

Presidentja e Kosovës, Vjosa Osmani e vlerësoi me urdhrin “Shote Galica”, që u jepet personave, që kanë bërë vepra trimërie apo akte guximi, por edhe luftuan për barazinë gjinore.

Trajner Driton Kuka e përshkroi sportisten si simbol të lirisë së fituar me shumë sakrifica.

Përveç medaljes së artë në Lojërat Olimpike “Rio 2016”, Kelmendi u shpall dy herë kampione e botës dhe katër herë kampione e Europës. Përgjatë karrierës, Kelmendi po ashtu fitoi katër herë titullin më garën e famshme të Grand Slamit të Parisit. U shpall xhudistja më e mirë në botë në vitin 2017.

Advertisement
REKLAMO NE REALNEWS +355 69 33 33 303