Maradona “shkatërron” Messin

"Nuk bëhet gjeneral një që shkon në tualet 20 herë përpara ndeshjes"

Diego Armando Maradona donte të mbronte Leo Messin, por përfundoi duke bërë një nga kritikat më të rënda për yllin e Barcelonës.

Në një emision televiziv meksikan, legjenda e futbollit argjentinas u bëri thirrje bashkëkombasve të tij që të mos e kritikonin, pasi Messi është një person shumë i ndjeshëm, që “shkon 20 herë në tualet përpara çdo ndeshjeje”.

“Messi është një lojtar i madh, por më mirë luan PlayStation sesa flet ose i kërkon diçka trajnerit. Në fushë është shumë i disponueshëm dhe e kërkon topin. Është e kotë që të kërkosh nga një person që shkon 20 herë në tualet përpara çdo ndeshjeje që të bëhet gjeneral. Mos e bezdisim më Messin. Te Barcelona ai është njëshi, ndërsa në kombëtare është një më shumë”, tha Maradona.

“El Pibe de Oro” shtoi se i duhet hequr presion Messit dhe nuk duhet pritur nga ai që të jetë lideri i ekipit.

Lër një koment