Masat e reja kufizuese nga qeveria Kurti në Kosovë

Screenshot_1-9.png

Qeveria e Kosovës sot do të mblidhet sot për të vendosur në lidhje me masat e reja anti-covid.

Ndër masat e reja, raportohet se do të jetë ndalim qarkullimi i qytetarëve nga ora 22:00-05:00 përveç në rastet emergjente, ndalimi i aktiviteteve të gastronomisë përveç shërbimit “merr me veti” si dhe kalimi në formën online të mësimit për ciklin parauniversitar dhe universitar.

Në vendim thuhet se institucionet publike dhe private detyrohen që të paraqiten në punë vetëm stafi i cili kryen shërbime esenciale. Përgjegjësit e institucioneve publike dhe private detyrohen të definojnë stafin esencial për nevojat e institucionit me hyrjen në fuqi të këtij vendimi.

“Të gjitha institucionet publike dhe private të arsimit parauniversitar (nga data 12 prill deri me 18 prill), dhe të gjitha institucionet publike dhe private universitare nga data (6 prill deri me datë 18 prill) obligohen që të organizojnë online të gjitha aktivitetet mësimore. Institucionet parashkollore vazhdojnë aktivitetin normalisht, duke i respektuar masat dhe rekomandimet kundër COVID-19”.

Mbajtja e maskës duke mbuluar hundën dhe gojën është obligative, në të gjitha rastet përveç: gjatë drejtimit të automjetit vetëm apo me anëtarët e ngushtë të familjes, gjatë vrapit dhe çiklimit dhe gjatë ecjeve jashtë zonave të banuara dhe jo në grupe me më shumë se 4 persona të të njëjtës familje.

Advertisement
REKLAMO NE REALNEWS +355 69 33 33 303