Ka ardhur reagimi nga Ministria e Arsimit në lidhje me publikimin e tezës së sotme të gjuhës së huaj në faqen zyrtare të ish-kryeministrit Berisha.
Berisha publikoi tezën, ku sipas një denoncimi të një qytetari shkruhej se drejtoresha e një gjimnazi në Kukës ka shpërndarë pyetjet në këmbim të votave për PS.
Ndërkohë, ka ardhur edhe reagimi i Ministrisë së Arsimit lidhur me akuzën e bërë.
MASR njofton se lajmi nuk është i vërtetë, por janë dezinformime të bëra nga anëtarë të PD.
“Kjo nuk është aspak një gjë e re! Sa më rigoroz është testi dhe administrimi nga ana e MASR, aq edhe më të shpeshta janë dezinformimet e tyre, të cilat i dënojmë fuqishëm! MASR nënvizon se do të vazhdojë të përmirësojë testin dhe administrimin e procesit deri në digjitalizimin e plotë të tij. Ky vit ka ardhur me risi sepse një pjesë e testeve do të vlerësohen për herë të parë elektronikisht duke shmangur gabimet njerëzore që mund të jenë bërë në vitet e kaluara, ndërkohë që janë shtuar edhe penalitetet për ata që do të mundohen të kopjojnë”, thuhet më tej në njoftim./real-news.tv
