Maxhoranca bojkoton mbledhjen e Komisionit Hetimor për Inceneratorët

nfgdhdhdh.jpg

Ditën e sotme maxhoranca ka bojkotuar mbledhjen e Komisionit Hetimor për Inceneratorët. Mësohet se shkak për këtë është bërë dëshmitari i radhës. Në seancë është thirrur gazetari Jetmir Olldashi.

Anëtari i PS, Arben Pëllumbi tha se Olldashi është i dënuar dhe nuk mund të dëshmojë. “Ka një vendim të formës së prerë dhe është dënuar për këtë çështje”, tha ai.

Po kjo u kundërshtua nga kryetarja Jorida Tabaku, e cila sqaroi se nuk ka një vendim të formës së prerë nga Apeli.

“Ka një keqkuptim, nuk është dënuar për këtë çështje. Ka një vendim që Mirel Mërtiri e ka hedhur për shpifje. Ndërkohë që ata ishin në kërkim ndërkombëtar më kanë paditur mua”, tha Tabaku. Pas kësaj, deputetët e PS braktisën sallën. Pas përfundimit të dëshmisë së gazetarit, deputetët e PS iu bashkuan sërish mbledhjes.

REKLAMO NE REALNEWS +355 69 33 33 303