fbpx

Mblidhet Asambleja Socialiste e Gramshit, Balla bën deklaratën e fortë: Më 25 prill do…

balla-2.jpg

Sekretari i Përgjithshëm i Partisë Socialiste Taulant Balla gjatë fjalës së tij në mbledhjen e Asamblesë Socialiste të Gramshit bëri me dije se në zgjedhjet e 25 Prillit 2021 PS do të ketë aleancë vetëm me qytetarët.

“Ne jemi të vendosur ta kemi vëmendjen vetëm tek njerëzit dhe tek përmirësimi i shërbimeve publike ndaj tyre. Duhet përkushtim për tu marrë me hallet dhe problemet e njerëzve dhe vëmëndja jonë janë vetëm ata.

E siç ka rifilluar po njëlloj kjo vjeshtë politike me opozitën Meta-Basha që kërkon alibi për humbjen e radhës, shan e shpif nga mëngjezi në darkë, përgjigja jonë do të jetë puna dhe përqëndrimi tek nevojat e njerëzve”, tha Balla.

Sipas Ballës, kasandrat e opozitës kanë nisur një betejë të re, atë të përdorimit të halleve për politikë, si dhe për përhapjen e panikut ekonomik dhe social.

“Tani mesa duket, vetë kasandrat e opozitës kanë nisur një betejë të re, atë të përdorimit të halleve për politikë, si dhe për përhapjen e panikut ekonomik dhe social duke përdorur si lëndë të parë atë që njohin më mirë baltën dhe mashtrimin.

Njerëzit nuk kanë asnjë interes të dëgjojnë më këtë lloj politike, njerëzit presin vetëm nga ne zgjidhjen e halleve të tyre”, deklaroi Balla.

Advertisement
REKLAMO NE REALNEWS +355 69 33 33 303