fbpx

Mbyllen 5 klasa, rritet numri i të infektuarve me Covid në Berat

berat-1-750x405.png

Covid 19 është duke u përhapur masivisht në qarkun e Beratit, ku shumë raste infektimesh janë regjistruar në shkolla. Nga dita në ditë, vihet re një numër në rritje i nxënësve të infektuar me Covid-19,ku vetëm gjatë 24-orëve të fundit rezultojnë Covid-pozitiv, 18 nxënës të moshave 14-19 vjeç.

Por Covidi nuk ka lënë pas mësues si dhe drejtorin e shkollës së mesme. Rezultatet e testeve të ardhura pranë ISHP-së Berat bëjnë me dije se, në cdo grup nxënësish prej 40 të testuar 23  prej tyre kanë rezultuar “pozitiv”.

Të njëjtat burime konfirmojnë për Fax News se, pranë ISHP-së Berat vijojnë çdo ditë testimet mes nxënësve të shkollave,për shkak të përhapjes së vrullshme të virusit mes klasave.  Situata paraqitet problematike në shkollën 9-vjeçare “22 Tetori” dhe gjimnazin “Babë Dudë Karbunara” në Berat si dhe në shkollën 9-vjeçare “Karaman Ylli” në Skrapar.

Burime pranë Institutit të Higjenës Berat konfirmojnë se janë mbyllur 2 klasa në shkollën “22 Tetori”, 2 klasa në gjimnazin “Babë Dudë Karbunara” dhe 1 klasë në shkollën “Karaman Ylli”, ndërkohë që po vijon edhe hetimi epidemiologjik i rasteve, për të shmangur zinxhirin e infektimeve.

 

Advertisement
REKLAMO NE REALNEWS +355 69 33 33 303