Pak kohë pas mbylljes së tregut të Orizit në Vlorë, tregëtarët kanë dalë sot sërish në protestë, duke paralajmëruar se duke filluar nga dita e nesërme ata do të fillojnë punën nëse qeveria nuk u jep zgjidhje situatës së tyre.
“Kemi kërkuar të bëjmë takim me kryetarin e bashkisë, as edhe një tjetër. Ai të na japë zgjidhje, këta të tjerët nuk po na zgjidhin asgjë. Nesër të vijnë edhe gazetarët, do dalim të punojmë në tregun e Orizit se po na shkon malli dëm. E kemi vendosur të gjithë, 100 sa jemi. Le të vijë policia, në 7 do jemi në punë. Do vendosim maska, doreza, me të gjitha,”-shprehet një nga tregtarët.
“Kjo është një padrejtësi e madhe që bëhet. Atje tej shitet pa një tavolinë, pa asgjë, mes zhavorrit, ç’janë këta? Pse mbyllet tregu? Tregu atje tej është jashtë standartit, ndërsa ne e kemi tregun mrekulli,”-deklaron një tjetër tregtar.