“Më ofendoi, në fillim u…”. E gjuajtën me armë, Sekretari i PD rrëfen fije për pe ngjarjen

Një ngjarje e rëndë ndodhi dje në Kavajë ku u plagos me armë sekretari i Partisë Demokratike, Bledar Okshtuni.

Por pak më parë vetë Okshtuni ka reaguar për ngjarjen duke zbuluar se si nisi sherri.

“Jonuzi me ka ofenduar, u konfliktuam fillimisht fizikisht e pastaj ai nxori armën”, ka deklaruar Okshtuni.

Kujtojmë se ngjarja ndodhi ditën e djeshme në zyrën elektorale të Partisë Demokratike në Kavajë. Bledar Okshtuni u plagos me armë zjarri nga Ndriçim Jonuzin.

Ndërkohë në kërkim nga policia janë shpallur edhe ish-punonjësi i policisë Merkel Shtylla dhe Dorian Troplini punonjës bashkie të përfshirë në këtë ngjarje.