Jemi mësuar gjithmonë të na bëjë për të qeshur por këtë herë Agron Llakaj na ka treguar një tjetër anë të tij. Ai gjithnjë ka folur me mall për vendlindjen e tij, Memaliajn, por këtë herë ai është shprehur i trishtuar.
Teksa po fliste për vendin e tij të lindjes në emisionin Soirée në Top Channël Agron Llakaj është përlotur dhe nuk ka mundur të vazhdojë më bisedën.
Kjo e gjitha e nisi kur Agroni po tregonte për gjendjen ekonomike dhe sociale të Memalijt, e cila sipas Llakajt është e mjerueshme.
‘Unë e thashë më parë që shkoj shpesh në Memaliaj. Dhe e vetmja gjë që marr pas është dhimbja dhe trishtimi. Dhe duke parë që nuk ka asnjë të ardhme sepse çdo qeveri nuk i kthen sytë se i morën minierën. Thonë më mirë një fund i tmerrshëm sesa një tmerr i pafund. Varfëria është ulur këmbëkryq, unë shkoj dhe ndihmoj aty… më vjen turp që e thashë tani këtë… Memeliaj është…’, kaq ka mjaftuar dhe Llakaj është përlotur dhe nuk ka mundur të vazhdojë më bisedën. /real-news.tv/
