Mediat greke thumbojnë ministrin e ri të Jashtëm

Kryeministri i Shqipërisë Edi Rama javën e kaluar ka vendosur të zëvendësoje disa nga ministrat e kabinetit te tij qeveritar.

Ai qe u spikat me se shumti është propozimi si ministër i Jashtem i Gent Cakajt per zëvendësuar kështu Ditmir Bushatin.

Për ketë fakt kane folur edhe mediat greke të cilët i kanë kushtuar një artikull Cakajt.

Gazeta ‘Protothema’ i ka kushtuar kësaj çështje një artikull me titull: “Vetëm 30 vjeç dhe kosovar, ministri i ri i Jashtëm i Shqipërisë” dhe nëntitull “Gent Cakaj premton “rinovim” në qeverinë Rama”.

Po ashtu aty flitet edhe për origjinën e Cakajt, i cili vjen nga Kosova, si dhe moshën e tij të re.

Në shkrimin në fjalë thuhet se: “Kryeministri Edi Rama vendosi të zëvendësojë Ditmir Bushatin me një kosovar 30-vjeçar. Siç tha vetë kryeministri shqiptar gjatë prezantimit, Gent Cakaj do të jetë figura që do sjellë rinovimin në qeveri. Këshilltari i deritanishëm i Ramës në postin e ri ka ngjallur mjaft debate, pasi janë të shumta zërat që vënë në dyshim aftësitë e tij për këtë post. Megjithatë, vetë kryeministri shqiptar, i thirrur të mbrojë përzgjedhjen e tij deklaroi se “ministri i ri ka lexuar shumë më tepër libra sesa fjalë thoni ju kundër tij”. Cakaj ka studiuar në Kosovë, Belgjikë dhe Hungari, disponon dy diploma Bachelor dhe tre diploma master në Filozofi, Shkenca Politike dhe Juridik. Para këtij posti ishte ministër plotësues kompetent për BE-në, një arsye që prej shumicës posti i kryediplomatit konsiderohet “mesazh” i Shqipërisë për kthesën europiane të vendit”,- shkruhet në artikullin e “Protothema”.

Presidenti Ilir Meta dekretoi shkarkimi  e 6 ministrave por akoma nuk është shprehur për rastin e ministrit të Jashtëm

Publiée par Gent Cakaj sur Jeudi 4 octobre 2018

Lër një koment