Mesazhi/ Basha uron 32 shqiptarët që u bënë deputetë në në Maqedoninë e Veriut

basha.jpg

Nëpërmjet një postimi në rrjetet sociale, kreu i Partisë Demokratike, Lulzim Basha, ka uruar partitë politike shqiptare në Maqedoninë e Veriut për rezultatin e zgjedhjeve, prej ku fituan mandat 32 deputetë shqiptarë.

Basha shkruan në ‘Twitter’ se pavarësisht rreshtimit politik të mandateve shqiptare në qeveri apo opozitë, ato do të kontribuojnë në mbrojtjen dhe fuqizimin e të drejtave dhe interesave të shqiptarëve në Maqedoninë e Veriut.

“Në emër të Partisë Demokratike dhe në emrin tim personal, uroj 32 deputetët shqiptarë të dalë nga zgjedhjet e mbajtura në RMV. E kam përcjellë me entuziazëm këtë rezultat historik, me besimin e plotë se pavarësisht rreshtimit politik të mandateve shqiptare në qeveri apo opozitë, ato do të kontribuojnë në mbrojtjen dhe fuqizimin e të drejtave dhe interesave të shqiptarëve në RMV dhe do të garantojnë e konsolidojnë kursin e qartë të RMV drejt standarteve euroatlantike që janë garancia e vetme dhe e sigurtë për një Ballkan demokratik,në paqe e të zhvilluar”, shkruan kreu i opozitës shqiptare.

Advertisement
REKLAMO NE REALNEWS +355 69 33 33 303