Meteorologia Lajda Porja zbulon si do jetë moti gjatë muajit shtator

lajda-770x380.jpg

Meteorologia Lajda Porja ka zbuluar si do jetë moti në fillim të muajit shtator.

Porja pohoi se këto ditë do të jenë ideale për pushime, ku temperaturat do të variojnë nga 29 deri në 31 gradë.

Po ashtu ajo theksoi se ulja e temperaturave ndihet kryesisht mëngjeseve, ku në disa zona termometri shkon deri në 16 gradë celsius.

“Siç e kemi vënë re ka pasur rënie të temperaturave që janë përjetuar gjatë gushtit. Mëngjesi i sotëm ka qenë i freskët. Maksimalja pritet të jetë deri në 30 gradë. Nuk kemi luajtje të ndjeshme të temperaturave. Deri në ditën e premte temperaturat të jene 31-32 gradë. Mëngjeset do të jenë të freskëta. Në pjesën e dytë të ditës do të kemi erë, duke nisur nga nesër, ndërsa deti do të jetë me dallgë. Meqë të mërkurën futemi në stinën e vjeshtës, temperaturat do të jenë deri në 31 gradë. Moti parashikohet që të jetë i qëndrueshëm. Nuk parashikohet që deri në fundjavë do të ketë reshje. Në vlerat 29-30 gradë, është formë ideale për të pushuar për të gjithë ata që kanë zgjedhur shtatorin.”, tha Porja.

REKLAMO NE REALNEWS +355 69 33 33 303