30.5 C
Tirana
E enjte, 18 Korrik, 2024

TË FUNDIT

Mund të duhet kohë shtesë për Brexit

spot_img

Sekretari i Jashtëm britanik, Jeremy Hunt, tha se mund të duhet “kohë shtesë” për të finalizuar legjislacionin për Brexit-in, apo daljen e Britanisë nga Bashkimi Evropian.

Hunt tha se shtyrja e mundshme e Brexit-it pas datës 29 mars varet nga përparimi që do të bëhet në javët e ardhshme.

“Nuk mund të dimë në këtë fazë se cili prej skenarëve do të ndodhë”, tha Hunt. Marrëveshja për kushtet e divorcit, të cilën kryeministrja e Britanisë, Theresa May, e ka arritur me BE-në, është refuzuar nga Parlamenti britanik.

Ligjvënësit opozitarë kanë thënë se marravëshja, e cila do të ruante lidhje të afërta ekonomike me BE-në, do ta bënte Britaninë “të varur”.

May po kërkon tani “marrëveshje alternativë”, por BE ka thënë se nuk do të rinegociojë. Britania duhet të largohet nga Bashkimi Evropian më 29 mars të këtij viti, në orën 23:00.

Vendimi pason një referendum të vitit 2016, në të cilin qytetarët britanikë kanë votuar pro Brexit-it./real-news.tv/

spot_img

Latest Posts

spot_img

Më të lexuarat