Kryedemokrati Lulzim Basha po zhvillon një takim me të rinjtë e FRPD. Një koment i një të riu ka befasuar Bashën gjatë fjalës së tij.
I riu: 18 dhjetor hodhëm pas të shkuarën, tani në të ardhmen na duan ca burra me “RR” të fortë.
Lulzim Basha: “Mos harro vajzat e forumit, mos harro gratë për momentet e vështira që kemi kaluar, mos harro kontributin që keni dhënë të gjithë bashkë. Po mos ishte masakra e 25 prillit do të ishte fitorja e të rinjve vajza dhe djem së bashku. Ju keni një ëndërr , ju keni ëndërr që siç jeni ju sot të jetë Shqipëria nesër. Ne duam që Shqipëria të jetë si ju, ta keni shpirtin e pastër,m të papërlyer nga vesi të kemi pastërti të shpirti dhe vizion të mendimit dhe kurajo që kishin themeluesit tanë studentë të viti 1990’.
“Mos u bëni shërbëtorë të askujt, ky është hapi final për fundin drejt tranzicionit 30 vjeçar. Mos keni frikë të flisni, nuk gaboni kur veproni. Me protestën e studentëve e shkundët Shqipërinë, qeverinë dhe krijuat shpresë. Rinia duhet t’i prijë ndryshimit. Misioni më i rëndësishëm është që ti hapim rrugën rinisë për të marrë në dorë Shqipërinë”, tha Basha gjatë takimit me të rinjtë demokratë.
