Ambasadorët e NATO-s do të takohen këtë të premte me përfaqësues të lartë ushtarakë rus në një përpjekje të fundit për të bindur Moskën që t’i rikthehet marrëveshjes së vitit 1987 mbi çarmatimin bërthamor-INF, pasi Putin firmosi daljen e Rusisë nga marrëveshja.
Kjo marrëveshje ishte gurthemeli i arkitekturës evropiane të sigurisë për tre dekadat e fundit.
Gjithçka ndodhi nga SHBA, pasi Uashingtoni akuzoi Moskën për shkelje të marrëveshjes me zhvillimin e sistemit të raketave të saj 9M729.
Sekretari i Përgjithshëm i NATO-s, Jens Stoltenberg tha më parë se Rusia ende ka shansin të shpëtojë marrëveshjen INF.
Ndërkohë, ministrat e Mbrojtjes të vendeve të NATO-s ranë dakord të japin një përgjigje “të moderuar dhe mbrojtëse” nëse Moska mbetet në shkelje të marrëveshjes.
Rusia hodhi poshtë akuzat e Uashingtonit dhe tha në përgjigje se ajo do të tërhiqej nga marrëveshja.
Të mërkurën, Presidenti Putin nënshkroi një ligj që pezulloi zyrtarisht përputhjen me dispozitat e marrëveshjes.
Rusia do të përfaqësohet në takim nga diplomati i saj më i vlerësuar në NATO, Yuri Gorlak, dhe ky është takimi i dytë i tillë këtë vit./real-news.tv/