Ditën e fundit temperaturat janë ulur ndjeshëm.
Ulja e tyre ka sjellë probleme, për zhvillimin e mësimit në shkolla, kjo sepse një pjesë e madhe e tyre nuk janë të pajisura me sistem ngrohje.
Në qytetin e Elbasanit janë gjithsej 24 shkolla të ciklit parauniversitar, por vetëm 5 prej tyre janë të pajisura me sisteme ngrohje dhe mësimi zhvillohet normalisht.
Kurse në 19 shkollat e tjera nxënësit i sfidojnë temperaturat e ulëta, duke bërë mësim me xhupa veshur kapuç dhe doreza.
Në fshatra situata paraqitet akoma më e vështirë, sepse janë të shumta rastet kur nxënësit shkojnë me dru zjarri me vete për t’u ngrohur. (joq)