Pas denoncimit të ish-deputetit Bardh Spahia, ku thuhej se në spitalin Covid-2 nuk kishte ilaçe, vjen reagimi i menjëhershëm i ‘Shefqet Ndroqit’.
Në deklaratë përgënjeshtrohet denoncimi i PD dhe theksohet se nuk ka asnjë medikament që mungon brenda në spital.
Deklarata:
Në përgjigje të reagimit të Partisë Demokratike, Spitali Universitar “Shefqet Ndroqi” informon qytetarët se nuk mungon asnjë medikament apo trajtim për pacientët e shtruar që përdoret në protokollet e përcaktuara të mjekimit në spitalin tonë.
Spitali Covid2 “Shefqet Ndroqi” ka marrë të gjitha masat e nevojshme për t’u kujdesur për të gjithë pacientët, me terapitë e plota të mjekimit.
Në të njëjtën kohë ftojmë politikanët të na lejojnë të bëjmë punën tonë për t’u shërbyer pacientëve të prekur nga Covid19 ditë e natë, pa ndërprerje, me përkushtim dhe profesionalizëm.