Ngrin liqeni, alarmohet Puka

Ngrirja e Liqenit të Pukës ka alarmuar bashkinë.

Sipas kryebashkiakut të këtij qyteti shkrirja e akullit mund të përbëjë rrezik për fëmijët, ndërkohë që në veri e bllokuar vijon të jetë vetëm zona e Thethit.

Për herë të parë ka ngrirë Liqeni i Pukës. Kryebashkiaku i qytetit theksoi se këtë vit ra një sasi e pazakontë dëbore dhe pati ulje të madhe temperaturash.

Kryebashkiaku i Pukës, Gjon Gjonaj shprehet për Top Channel se “situata e krijuar nga moti keq solli jo pak problematika. Liqeni na është kthyer në problem nëse nuk i kushtojmë kujdes. Ngritja e temperaturave këto dy ditë ka krijuar situatë të vështirë, pasi rrëshqitja e borës bëhet e rrezikshme për mjetet dhe kalimtarët”./real-news.tv/