Ka nisur Në Serbi fushata e vaksinimit. Kryeministrja Ana Bërnabiç ka marrë e para dozën e vaksinës, e cila u vaksinua para kamerave live.
Mediat serbe raportojnë se pas saj u vaksinua anëtarja e Shtabit të Krizave, Dr. Darija Kisić Tepavčević, njëherësh ministre në Qeverinë e Serbisë. Pas tyre, vaksina u mor nga një anëtar i Shtabit të Krizave, Dr. Predrag Kon.
Për Radio Televizionin Serb, Kisić Tepevačević tha se ishte krenare që Serbia arriti të sigurojë vaksinën ndër të parat në botë.
