Nisin problemet nga moti i keq, në Kapshticë nuk lejohen autobusët

Për shkak të motit të keq që ka përfshirë Shqipërinë dhe rajonin kanë nisur edhe problemet e para.  Autoritetet greke në pikën e kalimit kufitar në Kapshticë, kanë vendosur që nuk do të lejohet kalimi dhe qarkullimi i mjeteve të transport autobusë dhe mjeteve të tonazhit të rëndë kamionë, në drejtim të Greqisë, deri në normalizimin e situatës në këtë aks rrugor.

Ndërkohë që për momentin do të lejohet kalimi i mjeteve më të vogla, por vetëm nëse janë të pajisur me zinxhirë, për të evituar aksidente të mundshme.

Policia Kufitare, apelon për të gjithë drejtuesit e mjeteve që kanë planifikuar lëvizjen për në shtetin grek nëpërmjet pikës kufitare Kapshticë, ta anulojnë ose të përdorin pikat e tjera të kalimit kufitar me Greqinë, deri në normalizimin e situatës për shkak të motit të keq.

Lër një koment