fbpx

Nisin zgjedhjet për parlamentin evropian në Holandë dhe Britani

european-elections.jpg

Në Holandë dhe Britani të Madhe nisën sot votimet për zgjedhjet e Parlamentit Evropian.

Mbi 400 milionë qytetarë me të drejtë vote do të zgjedhin 751 eurodeputetë.

Zgjedhjet zhvillohen në kohën kur po rritet mbështetja për nacionalistët dhe populistët, që duan t’i frenojnë përgjegjësitë e BE-së, ndërsa fuqitë tradicionale, si Franca dhe Gjermania, këmbëngulin se uniteti është opsioni më i mirë përballë sfidave ekonomike dhe të sigurisë.

Pjesëmarrja thuhet se ka rënë me vite, ndërsa rekordin e ulët e ka shënuar në vitin 2014, me 43%.

Këto janë zgjedhjet e nënta për Parlamentin Evropian prejse ato kanë nisur të mbahen në vitin 1979.

Sondazhet e opinionit parashohin rritje të dukshme të forcave nacionaliste.

Vendet e tjera të Bashkimit Evropian do të votojnë në ditët në vazhdim, ndërsa i tërë procesi do të përfundojë më 26 maj./real-news.tv/

Advertisement
REKLAMO NE REALNEWS +355 69 33 33 303