Deputetja socialiste, Blerina Gjylameti ka publikuar një status në rrjete social, ku i ka kushtuar fjalë të ndjera vëllait të saj, ku humbi jetën një vit më parë.
Ai vdiq në një aksident fatal në tunelin e Elbasanit.
Gjylameti e përshkruan atë si një djalë të ndrojtur, por me një zemër të madhe dhe i kudogjendur për gjithë familjen.
Shënimi i Gjylametit
Një vit pa ty, na duket pafundësi !
Thonë që mësohesh me mungesën, që dhimbja tjetërsohet, shndërrohet, por është kaq e vështirë.
Kthehesh pas në kohë e udhëton në kujtesë për të gjetur momentet e bukura e të lumtura që të lehtësojnë dhimbjen, që të mbushin zbrasëtirën . Sjanë pak , kemi qënë gjithmonë krah njeri- tjetrit, ti me atë natyrën tënde të ndrojtur por me zemrën më të madhe që kam njohur ndonjëherë.
I kudogjendur jo vetëm për mua e familjen, por edhe për miqtë e çdo kënd që kishte nevojë. Ashtu të kemi kujtuar këto ditë me miq të shumtë që na kanë ndenjur pranë e na kanë pasuruar pa fund me episode të shumta të tuat për të bërë të paharrruar në mendjet e zemrat tona!