Një 42-vjeçar që vuante nga kanceri i zorrës së trashë dhe shpëtoi pas operacionit, vendosi që të bëjë tatuazh fytyrën e mjekut që i shpëtoi jetën në shenjë mirënjohjeje.
Ngjarja ndodhi në Argjentinë, në krahinën e Kordobës. Nano Salguero, një burrë që jeton në një fshat në një provincë të Argjentinës, u vizitua nga mjeku i përgjithshëm që e kishte diagnostikuar me tumor në zorrën e trashë dhe e kishte këshilluar që të shkonte në spitalin e kryeqytetit. Në spitalin e Kordobës, Nano takoi mjekun Paul Lada, një onkolog me eksperiencë 42-vjeçare.
Pasi e bëri operacion, mjeku e mbajti në survejim pacientin e tij derisa e kuroi totalisht.
Në shenjë mirënjohjeje, Nano bëri tatuazh në shpinë fytyrën e mjekut Paul Lada.
“Do të jem gjithmonë mirënjohës ndaj tij dhe ekipit të mjekëve. Hyra në klinikë shumë i sëmurë dhe dola shëndoshë e mirë. Mu deshën dy muaj që të bëj tatuazhin, por ishte minimumi që mund të bëja përballë humanistit të mjekut që më kuroi”, thotë Salguero.