Me largimin e amerikanëve talebanët kanë nisur që të shfaqin në paradën e tyre të fitores me dhjetëra automjete dhe armatime të lëna pas nga SHBA. Në një event të organizuar në qytetin e Kandahar-it ata madje ngritën në qiell një helikopter “Black Hawk” të mbuluar me flamurin e talebanëve.
Paradat në të cilat shfaqen pajisjet e marra nga forcat afgane ndërsa grupi militant merrte kontrollin e Afganistanit u bënë vetëm disa orë pasi presidenti amerikan Joe Biden mbrojti edhe një herë vendimin e tij për t’i dhënë fund prezencës së trupave amerikane në vend.
Të mërkurën, një linjë e gjatë e Humvees të gjelbër dhe automjete luftarake të blinduara udhëtuan përgjatë një autostrade jashtë Kandahar-it, vendlindja shpirtërore e lëvizjes militante.
Shumë prej automjeteve kishin ngjitur flamurin e bardhë dhe të zi të talebanëve.
Të paktën një helikopter Black Hawk është parë duke fluturuar mbi Kandahar ditët e fundit dhe gjasat janë që të drejtohet nga një pilot i ish-ushtrisë afgane pasi talebanët nuk janë të trajnuar për të drejtuar këto lloj mjetesh fluturuese.