20.5 C
Tirana
E mërkurë, 29 Maj, 2024

TË FUNDIT

Parlamenti Europian ndalon plastikën njëpërdorimshe

spot_img

Sipas propozimit të miratuar nga Parlamenti Evropian, 10 produkte plastike njëpërdorimshme do të ndalohen deri në vitin 2021 dhe shtetet anëtare të BE-së janë të detyruara të riciklojnë 90 për qind të shisheve plastike deri në vitin 2025.

Pas votimit, që përfundoi me 571 vota pro dhe 53 kundër, anëtarët e Parlamentit Evropian që propozuan ligjin folën për një fitore për oqeanet, ambientin dhe brezat e ardhshme.

Komisioni Evropian e propozoi masën në maj. Ajo tani do të duhet të miratohet edhe nga vendet anëtare, pas negociatave, që shpresohet se do të jenë të suksesshme.

Kina ndaloi vitin e kaluar importin e 24 varieteteve të mbetjeve solide, përfshirë ato plastike dhe të letrës së pariciklueshme, duke vënë nën presion Evropën, që edhe ajo të përballet me mbetjet e saj.

Sipas Forumit Ekonomik Botëror, më shumë se 150 milionë ton plastikë gjenden në detet e botës. Një studim i publikuar pak vite më parë sugjeronte se, 5 deri në 13 milionë ton më shumë derdhen në dete çdo vit. Sipas kërkimeve, deri në vitin 2050 në oqeanet e botës do të ketë më shumë plastikë sesa peshq, gjë që ka bërë që politikëbërësit, individit dhe shoqëritë të marrin masa. (Top Channel)

spot_img

Latest Posts

spot_img

Më të lexuarat